Фотографот на „Магнум“, Јонас Бендиксен, е автор на контроверзната книга „Книгата на Велс“, создадена за време на претседателската кампања во САД во 2016 година. Овој интригантен проект предизвика глобална дебата за употребата на вештачката интелигенција во медиумите и генерирањето лажни вести.
Во последниве години има целосна револуција воведена со вештачката интелигенција, што предизвикува сомневање во вистинитоста на фотографиите, весниците и документарците, кои беа единственото мерило за вистината (го фотографирате она што сте го виделе, фотографијата е судски доказ). Сега многу работи веќе се менуваат, а кредибилитетот на медиумите веќе е доведен во прашање.
Германскиот фотограф Борис Елдгасен, на пример, ја шокираше јавноста на почетокот на минатата година кога ја одби престижната награда на „Сони“ за фотографија, со образложение дека победничката фотографија е генерирана од вештачка интелигенција. Делата на Елдгасен беа претставени на изложбата „Псевдомнезија“, која се состои од слики генерирани од вештачка интелигенција. Преку својата фотографска и професорска работа на светските универзитети, Елдгасен континуирано придонесува за значајни промени во концепциите на современите визуелни уметности.
Јавноста, сепак, нема аналитички алатки за да ги препознае овие практики. Затоа се важни дискусиите за новите етички парадигми и потребата од законска регулатива за да се спречат потенцијалните злоупотреби.
