Посетителите на Јапонија не можат а да не бидат воодушевени од убавината на нејзините храмови, живописните глетки, зен-градините и, верувале или не, капаците на шахтите…
Она што започна како шема за вклучување на даночните обврзници во скапи проекти за рурална канализација во 1980-тите години прерасна во национална туристичка атракција и прашање на граѓанска гордост.
Секоја општина може да се пофали со свој уникатен дизајн на капаците на шахтите, инспириран од специфични регионални елементи. Заедницата може да избере да ја претстави својата локална флора или фауна, познат локален белег или фестивал, историски настан или парче фолклор.
Градот Мацумото истакнува еден од своите популарни сувенири за народни занаети, шарените свилени топки темари, кои некогаш се користеле како играчки за девојчиња и свадбени подароци, пишува „Опен калчр“.
Хирошима му оддава почит на својот безбол-тим, додека градот Осака нуди поглед на познатиот замок опкружен со цветови од цреша.
Близината до забавниот парк „Санрио пуроленд“ му овозможува на Тама Сити да има право на „Хелоу Кити“, а капаците на шахтите со тема Покемон се појавија од Токио до Окинава.
Повеќето од 15-те милиони уметнички капаци на шахти во Јапонија се монохроматски челични површини, што го прави забележувањето на секоја од нив уште повозбудливо. Постојаната популарност на оваа официјално одобрена улична уметност е потврдена од Јапонското друштво на ентузијасти на шахти, годишниот Самит за шахти и тони колекционерски трговски картички.
