Постојат многу совети за брзо чистење, користејќи сè, од алуминиумска фолија до оцет и лимон, кои треба да ви заштедат време и пари кога го чистите домот.
Ако сакате да се гордеете со вашиот дом, од бањата до рерната, ќе сакате да ги знаете сите паметни трикови за да го направите вашиот дом да блесне.
Штицата за сечкање исчистете ја со лимон
Од сечење месо и филети од риба до овошје и зеленчук, нашите штици за сечење се многу корисни, па не е ни чудо што на крајот изгледаат малку нечисто. Лимоните се одлични за отстранување на дамките од штиците за сечење, како и за отстранување на мирисите.
Отстранете го бигорот од пеглата користејќи оцет
Одржувајте ја вашата пегла да работи добро со отстранување на вишокот бигор. Едноставно загрејте ја, исклучете ја од струја и оставете ја малку да се излади. Наполнете го резервоарот со алкохолен оцет и вода. Оставете еден час, а потоа испразнете го и исплакнете.
Користете четка за печиво за да ги исчистите трошките од тостерот
Отстранете ги трошките и изгорените делови од тостерот така што ќе го исклучите и ќе го исчистите со четка за печиво. Тоа ќе помогне вашиот тостер да трае подолго.
Со кромид отстранете ја ‘рѓата од приборот за јадење
Нема потреба да ве мачи ’рѓосаниот прибор за јадење, освен ако сечењето кромид не ве расплаче. Ако вашите ножеви и виљушки се ‘рѓосани, неколкупати ставете ги краевите од нив во кромид и ’рѓата треба да се отстрани.
За чистење на машината за садови користете сода бикарбона
Одржувањето на вашата машина за миење садови во добра состојба долгорочно ќе ве чини многу пари, а ова е лесно да се направи. За почеток, ставете сода бикарбона на влажен сунѓер и избришете ја машината за да ги отстраните остатоците од храна.
Исчистете ја и дезинфицирајте ја машината за миење садови со оцет
Ставете две чаши неразреден оцет во сад што може да се мие во машина за миење садови на горната решетка во празна машина и пуштете ја на врел циклус. Тоа треба да помогне да се исчисти одводот и таа да мириса подобро.
Отстранете ги дамките на каучот со пена за бричење
Ако вашиот кауч изгледа валкано, обидете се да нанесете пена за бричење на дамките, оставете да отстои, а потоа избришете за да ги отстраните пената за бричење и дамките.
Како да го исчистите далечинскиот управувач
Ако сте загрижени дека вашиот далечински управувач собира нечистотија и бактерии од секојдневната употреба, обидете се да го исчистите со мало количество средство за дезинфекција на рацете и хартиена крпа.
Исчистете ги белите патики со паста за заби
Патиките што по неколку прошетки не изгледаат како нови исчистете ги со паста за заби. Никој нема да знае дека не се нови со овој лесен трик. Износените бели спортски патики може да се оживеат со чистење со паста за заби.
