Со еден глас „против“ и 364 „за“, делегатите на денешниот осми партиски конгрес за нова претседателка на Либерално-Демократска Партија ја избраа досегашаната потпретседателка – Моника Зајкова.
– Ви ветувам лидерство насочено кон иднината! Затоа што ЛДП ја гледам како партија која гради политики во сегашноста, кои ќе обезбедат иднина кадешто ќе живееме поубаво од денес. Местото каде што ќе живеат нашите поколенија кон кои носиме одговорност да преземеме акција токму денес, токму сега! – кажа Зајкова по изборот.
Зајкова беше единствен кандидат за лидер на партијата. Таа доаѓа на местото на Горан Милевски, кој ја водеше партијата во изминативе 7 години. Зајкова е актуелна пратеничка од редовите на ЛДП.
