Борбите за најголемата нуклеарна електрана во Украина, лоцирана во град Енерходар, се уште траат, пренесува МИА.
Градоначалникот на Енерходар Дмитро Орлов, каде се наоѓа најголемата нуклеарната централа, изјави дека руските сили се на работ од градот и дека украинските сили се борат да го одбранат.
Ова електрана е главен снабдувач со електрична енергија во јужниот дел на земјата и задоволува околу една четвртина од потребите на Украина.
Во меѓувреме, и украинските и западните медиуми, јавуваат дека во повеќе делови на Украина се водат борби.
Попладнево во Киев се огласија сирените за опасност, а властите ги повикаа граѓаните да се засолнат. Во главниот град на Украина, на повеќе места се слушаат експлозии.
