Израелските власти ги информираа своите египетски колеги дека Израел е подготвен да им даде „последна шанса“ на преговарачите за постигнување договор со Хамас во однос на заложниците, пред армијата да започне напад врз Рафа, објави американското издание Аксиос.
– Израел му даде до знаење на Египет дека е сериозен во врска со подготовките за операцијата во Рафа и дека нема да дозволи Хамас да ја забави топката – изјавил израелски извор за изданието.
Египет испраќа делегација на високо ниво во Израел со надеж дека ќе постигне договор за прекин на огнот со Хамас во Газа, истовремено предупредувајќи дека евентуалната нова израелска офанзива врз јужниот град Рафа на границата со Египет може да има катастрофални последици за регионалната стабилност, изјавија денеска двајца официјални претставници.
Претходно денеска, либанската милитантна група Хезболах истрела противтенковски ракети и артилериски гранати врз израелски воен конвој во спорна област долж границата, при што загина еден израелски цивил.
Претставници на палестинската болница вчера соопштија дека најмалку пет лица загинале во воздушни напади во Рафа.
Повеќе од половина од 2,3 милиони жители побарале засолниште во тој град.
