Претседателката на Косово – Вјоса Османи изјави дека на средбата со францускиот претседател Емануел Макрон и германскиот канцелар Олаф Шолц им поставила „црвени линии“ над кои, како што вели, Приштина не може да оди.
На синоќешната прес-конференција во Прага, каде што таа учествуваше на самитот на Европската политичка заедница, Османи рече дека на средбата со двајца европски лидери го поставила прашањето за визната либерализација и членството на Косово во Советот на Европа, а се разговарало и за тој дијалог со Белград, пренесува „Коха“.
Османи рече дека „црвените линии“ на Приштина се однесуваат на заштита на, како што наведе, „територијалниот интегритет, суверенитет и уставност“.
Зборувајќи за можното формирање Заедница на српски општини, Вјоса Османи рече дека „алфа и омега на секоја акција“ е уставот на Косово и повтори дека, според одлуката на Уставниот суд во Приштина, таквите механизми не можат да бидат ненационални или да имаат извршни овластувања, пренесува Танјуг.
