Нега и убавина
Топлината на водата во која се бањате и работата што ја работите придонесуваат вашите дланки да изгледаат старо и грубо. Откриваме кои навики ви ги уништуваат рацете и како да им ја вратите мекоста.
Нашите дланки играат витална улога во нашиот секојдневен живот. Обично не сме свесни колку некои секојдневни навики и ситуации ја уништуваат кожата на нашите раце. Ги повторуваме секој ден бидејќи тие се ритуали на нашата хигиена, дел од нашите обврски и работни места. Поради сето тоа, нашите дланки често стануваат груби и изгледаат многу постаро од нашето лице или тело. Ноктите почнуваат да пожолтуваат, се лупат и се кршат, кожата на рацете станува збрчкана, груба на допир и сува. Често кожата пука или добива дамки. Сето тоа можеме да го запреме само ако знаеме што ги предизвикува тие промени.
Некои навики ја уништуваат кожата на вашите дланки и затоа е важно да се потсетиме на причините поради кои кожата на нашите раце брзо старее. Меѓу тие навики се честото миење раце и користењето остри сапуни, како и изложеноста на временските услови, особено на пониски температури. И сувиот воздух од централното греење што се создава во просторијата може да влијае на мекоста на рацете. Постојат и некои ризични работни места, па во зависност од вашето занимање, можеби ќе ви треба поголема нега на рацете од другите жени. Некои професии едноставно бараат вашите раце постојано да бидат изложени на неповолни услови. Вештачко загревање и промена на температурата – ова може да биде проблем и во лето и во зима Кога ќе ги изложите рацете на климатизиран воздух, вашата кожа станува сува и затегната и само изгледа старо. Користењето антибактериски гел и дезинфикатори за раце, кои се користат многу повеќе од пандемијата наваму, иако ги убиваат сите бактерии на рацете, има контраефект врз здравјето на кожата на рацете. Тие стануваат суви и груби. Иако топлата бања или туширање се пријатни, најдобро е да избегнувате премногу топла вода кога ги миете рацете. Подобро е да ги миете во млака или ладна вода, бидејќи топлата вода ја суши кожата и може да ги одземе важните масла што ја одржуваат во форма.
