Поранешниот евроамбасадор Ерван Фуере и австрискиот политички аналитичар Флоријан Бибер ја критикуваа Европската Унија поради односот кон Македонија и останатите балкански држави по вчерашниот самит во Брисел. Фуере беше особено остар изразувајќи незадоволство од ставовите на еврокомесарот Оливер Вархеи во однос на „бугарските грижи“ за Македонија, а Бибер ги зема предвид и Украин и Молдавија кои вчера добија кандидатски статус, поврзувајќи го нивниот пристапен процес со Балканот.
Како можете да ги поддржувате „сите бугарски грижи“ и да ги правите дел од преговарачкиот процес, кога некои од тие грижи се против сето она за што се залага ЕУ, смета Фуере во коментар на твитот на европскиот комесар за проширување и соседска политика Оливер Вархеи дека „бугарски загрижености“ ќе бидат дел од преговарачкиот процес на Македонија со ЕУ.
#EU takes all Bulgarian concerns very seriously and they are now part of the negotiation process. The moment for responsible decisions is now. #WesternBalkans should be part of our #EuropeanUnion. We will be stronger together.
— Oliver Varhelyi (@OliverVarhelyi) June 23, 2022
– Целосно нема логика… Како можете да ги поддржувате „сите бугарски грижи“ и да ги правите дел од преговарачкиот процес, кога некои од тие грижи се против сето она за што се залага ЕУ, додека други се во спротивност со пресудите на европските Судот за човекови права. Комесарот треба да се срами од себе – наведува Фуере.
Според него, поради ваквата објава Вархеи треба да поднесе оставка или да биде принуден да поднесе оставка.
Бибер, пак, смета дека застојот во евроинтеграциите на балканските држави претставува лоша порака и за Украина и Молдавија.
– Нема пристапни преговори со Македонија и Албанија, нема визна либерализација за Косово, нема кандидатски статус за БиХ, нема демократија во Србија, нема напредок со Црна Гора. Ова не е начин да им се покаже на Украина и Молдавија дека имаат иднина – напиша Бибер на Твитер.
No accession talks with 🇲🇰🇦🇱
No visa liberalisation for 🇽🇰
No candidate status for 🇧🇦
No democracy in 🇷🇸
No progress with 🇲🇪This is NOT the way to show 🇺🇦🇲🇩 that they have an 🇪🇺 future.
— Florian Bieber (@fbieber) June 23, 2022
Тој смета дека е потребна алијанса помеѓу Украина, Молдавија и балканските држави со цел да се притисне ЕУ за да испорача „остварлив пат за членство, а не само поголема чекалница“.
Congratulations to 🇺🇦🇦🇩 for getting 🇪🇺 candidate status. It is well deserved. Now we need and alliance of 🇺🇦🇦🇩🇷🇸🇲🇰🇲🇪🇧🇦🇦🇱🇽🇰 to push the EU to deliver a plausible path to membership, not just a bigger waiting room.
— Florian Bieber (@fbieber) June 23, 2022
Еврокомесарот Вархеи вчера на Твитер објави дека „ЕУ ги прифаќа сите бугарски загрижености мошне сериозно“ и дека тие ќе станат дел од преговарачкиот процес на земјава со Унијата.
– ЕУ ги прима сите бугарски загрижености мошне сериозно и тие се сега дел од преговарачкиот процес. Сега е моментот за одговорни одлуки. Западен Балкан треба да биде дел до ЕУ. Заедно ќе бидеме посилни – напиша Вархеи.
