Рускиот амбасадор во Вашингтон, Анатолиј Антонов изјави дека американските власти се уште се водат од логиката на Студената војна во водењето на својата политика кон Русија.
– Се чини дека Вашингтон треба постојано да се наметнува преку конкуренција со Русија. Се чини дека духот на Советскиот Сојуз сè уште ги прогонува административните коридори во американската престолнина, а Студената војна воопшто не е завршена – изјави Антонов во интервју за американскиот магазин „Њузвик – пренесува ТАСС.
Амбасадорот оцени дека на Вашингтон му е многу полесно да ја нападне Русија отколку да го консолидира општеството во САД и во западните земји и да ја префрли вината на „странски непријател кој ги поткопува вредностите на демократскиот свет“.
– Истовремено, тој секогаш може да ја префрли вината за сопствените проблеми и погрешни пресметки на Руската Федерација и да ја искористи Москва за да ги оправда своите невидени воени трошоци – рече Антонов.
Тој изјави дека, „барајќи изговор во конфликтите во Украина, американската администрација ги уништува заемно корисните врски меѓу Русија и Европа, правејќи ја таа целосно зависна од Вашингтон – пренесува Танјуг.
Антонов рече дека со децении по распадот на Советскиот Сојуз, САД намерно работеле „да создадат антируско упориште на украинска територија“.
