Актуелните економски и социјални прашања, работничките права и подобрувањето на условите за работа беа во фокусот на денешната седница на Економско-социјалниот совет, што се одржа во Владата, информира премиерот Христијан Мицкоски.
На седницата била истакната и важноста на социјалниот дијалог и соработката меѓу Владата, работодавачите и синдикатите.
– Економско-социјалниот совет претставува значаен механизам за усогласување на ставовите и интересите на сите засегнати страни. Преку конструктивен дијалог и заедничка соработка се создаваат услови за изнаоѓање одржливи решенија, унапредување на животниот стандард на граѓаните и обезбедување стабилен економски и социјален развој – објави Мицкоски на Фејсбук по седницата.
