Стејт департментот ги повика американските граѓани да ги преиспитаат патувањата во Саудиска Арабија поради опасноста од ирански беспилотни летала и ракети, вооружените судири и тероризмот.
Во новото предупредување за патување, објавено на 15 септември, Саудиска Арабија е ставена на третото ниво, кое не значи целосна забрана, туку препорака граѓаните внимателно да ја разгледаат одлуката за патување.
Стејт департментот предупреди дека од почетокот на војната меѓу САД и Иран постои постојана опасност од напади со ирански беспилотни летала и ракети насочени кон американските интереси.
Како дополнителен ризик се наведуваат нападите на јеменските Хути, кои се поддржани од Иран. Американските граѓани што живеат или работат во близина на енергетски објекти и воени бази се изложени на зголемен ризик, особено во близина на границата со Јемен.
За пограничното подрачје со Јемен важи највисокото, четврто ниво на предупредување – „не патувајте“, поради опасноста од тероризам, вооружени судири и прекугранични напади со беспилотни летала, ракети и проектили.
Комерцијалните летови од Саудиска Арабија продолжуваат да се реализираат, но во изминатиот период повремено имало значителни нарушувања во авиосообраќајот.
