Здрава храна
Најновите истражувања објавени во европските медицински журнали овој април потврдуваат дека медитеранскиот начин на исхрана останува златен стандард за здравјето. Студијата спроведена на над 50.000 испитаници покажува дека луѓето што консумираат маслиново масло, јаткасти плодови и свеж зеленчук имаат за 30 отсто помал ризик од срцеви заболувања.
Што препорачуваат експертите за оваа пролет? Зголемено внесување растителни протеини. Леќата и наутот стануваат главна замена за црвеното месо. Ферментираната храна (јогурт, кефир) исто така е клучна за имунитетот при вакви нагли временски промени. Научните студии ја поврзуваат медитеранската исхрана со придобивки и превенција против срцевите болести, дијабетесот и малигните болести.
Традицијата, пак, ја поткрепуваат епидемиолошките податоци за здравјето на населението околу Медитеранот. Впрочем, веќе се проектира дека Шпанците наскоро ќе бидат нација со најдолг животен век во светот. Toa пред сѐ се должи токму на медитеранската исхрана. Принципите на овој начин на исхрана вклучуваат претежно овошје, зеленчук, житарки, ореви, семе, маслиново масло и мешунки, како и животински протеини, претежно во форма на риба и морска храна, минимизирајќи млечни производи, јајца, месо, риба и преработена храна, а риба околу двапати неделно.
Медитеранската исхрана има неколку здравствени придобивки, вклучувајќи: подолг животен век, поздраво срце, контрола на тежината и високо ниво на антиоксиданти, кои помагаат против стареењето, како и антиинфламаторни својства, кои помагаат против автоимуните болести. Таа заштитува од дијабетес тип 2 и е богата со растителни влакна за здраво дебело црево.
