Светот на модата е полн со модни фрази што звучат еколошки и одговорно – од веганска кожа до екополиестер. Но, колку се искрени овие тврдења? Експертите за одржлива мода откриваат кои ткаенини навистина вредат за вашите пари, а кои се само итар маркетинг. Прв совет: ако веќе поседувате облека направена од материјали што се на „црната листа“, не фрлајте ја. Носете ја колку што можете подолго, а потоа рециклирајте ја доколку е можно.
Што да не купувате? Повеќето експерти за одржлива мода се согласуваат дека е подобро да се избегнуваат синтетички влакна на база на нафта, кои не се биоразградливи и се познати по нивниот лош квалитет. Најлошите прекршители се синтетичкиот полиестер и акрилот. И двата испуштаат микропластика и имаат огромен јаглероден отпечаток.
Што да купувате? Побарајте природни влакна како што се лен, органски памук и волна, со признаени сертификати како што е ГОТС (глобален стандард за органски текстил). Ленот е една од ткаенините со најмал еколошки товар бидејќи е направен од растение што не бара пестициди, му треба минимално количество вода, може да расте во лоша почва и станува помек и поудобен за носење со текот на времето.
