КОШАРКА – АДАМ СИЛВЕР, КОМЕСАР НА НБА-ЛИГАТА
- Во НБА сега играат 30 тима, а НБА-купот се игра со фајналфор-турнир. Комесарот Силвер навести дека наскоро може да има некои вести за плановите за проектот на НБА со ФИБА за почнување лига во Европа
Кошаркарската НБА-лига планира да донесе одлука во врска со проширувањето на првенството во наредната година, изјави комесарот Адам Силвер, нудејќи го најдефинитивниот временски распоред откако лигата почна да ја истражува можноста за префрлање од 30 на 32 тима, пишува НБА.
– Не е тајна, го разгледуваме овој пазар во Лас Вегас. Го разгледуваме Сиетл. Ги разгледавме и другите пазари – рече Силвер.
Експанзијата е тема со години во НБА и не е тајна дека Сиетл, кој имаше тим додека Суперсоникс не беше преместен во Оклахома Сити во 2008 година, и Лас Вегас долго време бараа франшизи.
– Мислам дека Сиетл и Лас Вегас се два неверојатни града. Очигледно имавме тим во Сиетл што имаше голем успех. Имаме тим од НБА за кошаркарки во Лас Вегас. Не се сомневам дека Лас Вегас би можел да поддржи НБА-тим. Мислам дека сега сме во процес на работа со нашите тимови и мерење на нивото на интерес и подобро разбирање за тоа каква би била економијата на теренот за тие конкретни тимови, а потоа некаде во 2026 година ќе донесеме одлука – рече Силвер.
Силвер откри и дека финалето на НБА-купот може да се пресели од Лас Вегас. Меѓу разгледуваните локации се некои познати колеџ-арени.
– Разгледуваме други начини на кои можеме да го направиме тоа – рече Силвер.
Полуфиналните натпревари во Купот ќе се играат на домашните терени на носителите, почнувајќи од следната сезона, па концептот за фајналфор во Лас Вегас секако ќе се промени во 2026 година, пишува НБА. Силвер навести дека следниот месец може да има некои вести за плановите за проектот на НБА со ФИБА за почнување лига во Европа, пишува НБА. Тоа има смисла, со оглед на тоа што лигата треба да има натпревари од регуларната сезона во Берлин и Лондон следниот месец, кога Орландо и Мемфис ќе одиграат два натпревара.
– Би рекол дека фрламе многу, многу широка мрежа во моментов и во суштина им кажуваме на сите што се заинтересирани да ни објаснат зошто сте заинтересирани, како гледаат на можноста, какви ресурси би вложиле за отворање тим, а потоа ги земаме сите тие информации назад. И потоа мислам дека некаде во јануари ќе бидеме во позиција да водиме посериозни разговори со тие заинтересирани страни – рече Силвер, пренесе НБА. Н.М.
