Министерството за трговија на Кина се надева дека САД ќе обезбедат отворено, фер и недискриминаторско деловно опкружување за кинеските компании да продолжат да работат во САД, вклучително и ТикТок.
-Ставот на Кина за ТикТок е јасен – соопшти Министерството за трговија на земјата.
Кина, исто така, ги поддржува преговорите што ги следат пазарните правила за да се постигнат решенија што се во согласност со кинеските закони и ги балансираат интересите, се вели во соопштението на Министерството за трговија.
Претходно, американскиот претседател Доналд Трамп изјави дека тој и кинескиот претседател Си Џинпинг се согласиле да го одобрат договорот за ТикТок за време на телефонски разговор.
-Тој го одобри договорот за ТикТок – им рече Трамп на новинарите во Овалната соба.
Трамп додаде дека „тоа може да биде формалност“ за потпишување на договорот подоцна. Се очекува американската влада да добие надомест од повеќе милијарди долари како дел од спогодбата што го вклучува ТикТок, објави Волстрит џурнал вчера, повикувајќи се на извори запознаени со ова прашање. Инвеститорите во договорот со ТикТок ќе ѝ ја платат оваа такса на владата на САД во замена за олеснување на преговорите со Кина.
