Услугата што воведе милиони Американци во онлајн светот го достигна крајот на своето патување. АОЛ ја прекинува својата дајалап-услуга. По 34 години, ќе биде исклучена на 30 септември.
Дури и кога широкопојасниот интернет и безжичниот интернет станаа доминантен начин за пристап до интернет, АОЛ никогаш не престана да нуди дајалап, кој ги поврзува луѓето со услугата преку фиксна линија.
Интернетот на АОЛ беше главен столб на поп-културата од 1990-тите и вкоренет во животот на Американците, особено поради тоновите, звучните сигнали и пискавите звуци што модемот редовно ги испорачуваше при поврзувањето. Компанијата редовно ги полнеше поштенските сандачиња на луѓето со цедеа што нудеа бесплатни пробни периоди за пристап до интернет. АОЛ исто така не е она што беше порано. Тие ја затворија апликацијата за пораки АИМ во 2017 година, а компанијата многупати смени сопственик.
Спојувањето со поранешниот сопственик на Си-ен-ен, Тајм Ворнер, се покажа како мошне лош бизнис-потег. Сега е во сопственост на фирма за приватен капитал, која е сопственик и на „Јаху“.
