Во Пустец, срцето на Мала Преспа во Албанија, започна јубилејното издание на Македонското културно лето — фестивал кој веќе две децении ја негува и слави македонската култура, јазик и фолклорно наследство.
Оваа петдневна манифестација претставува вистински празник на уметноста и заедништвото. Годинава, програмата е збогатена со настапи на театарски трупи и музички уметници од Македонија, како и со фолклорни изведби од локалната заедница во Мала Преспа.
Битолскиот народен театар ја изведе детската претстава „Снежана и седумте џуџиња“, носејќи радост и магија на сцената за најмладите Македонци од регионот.
Во рамки на музичката програма, публиката уживаше во концертот на Драган Даутовски и ансамблот „Илинден“, кои преку звуците на традиционалните инструменти ја пренесоа душата на македонската музика.
Фестивалот не е само културен настан — тој е симбол на поврзаност и љубов кон корените. Пустец, како чувар на македонскиот дух во Албанија, уште еднаш стана сцена на живо наследство што инспирира и обединува.
