Заради испад на 110-киловолтна собирница на МЕПСО, надвор од функција е РЕК Битола, информираат од „Електрани“.
-Околу 15:45 часот дојде до прекин на напојувањето, по што од мрежа испадна Блок 1 на РЕК Битола. Прекинати се и пуштачките операции на Блок 3 кои беа во тек, а по чие завршување во функција требаше да биде ставен и овој блок. Стручни лица од РЕК Битола веќе работат на надминување на состојбата и ставање на комбинатот во функција – се вели во информацијата.
