Класичните детски филмови содржат трауматизирачки сцени, како што се глутница хиени што планираат убиство во „Кралот лав“ или ловец што се подготвува да ја избоде Снежана. И други моменти им изгледаат сомнително на децата, како гасеницата што пуши нешто чудно во „Алиса во земјата на чудата“ и пијаната ноќ на Дамбо. Меѓутоа, компанијата „Волт Дизни“ наведе конкретни работи што нејзините ликови не смеат да ги прават.
Дејвид Ловери, режисерот на „Пит и змејот“, изнесе големо откритие за време на едно интервју. Тој рече дека кога потпишувате договор со „Дизни“, она што го пишува во договорот е дека вашиот филм не може да има обезглавувања, прободувања или пушење. Ловери немаше информации дали правилото важи за филмовите за возрасни, но последното правило стапи во сила во 2015 година, кога претседателот и извршен директор на компанијата „Волт Дизни“, Роберт Ајгер, забрани пушење во кој било филм на Дизни.
Се сомневаме дека неколку сцени од претходните филмови на Дизни би биле избришани доколку се снимаат во денешно време. Тие сцени се однесуваат на Пинокио, кој пробува цигара, но веднаш му се слошува. Пушењето се појавува и во „101 далматинец“,„Петар Пан“, „Херкулес“, „Аладин“…
Исто така Ерик, кој го управува бродот кон Урсула во „Малата сирена“, ѝ го прободува стомакот со крмата и по ударот на гром таа потонува. Овде денес би важело правилото за прободување.
Се чини дека „Дизни“ останал доследен на политиката на забрана за обезглавување низ својата историја. Кралицата на срцата можеби го навести тоа, но никогаш не успеа некому да му „отсече глава“.
