Формирањето на резервниот состав на руските вооружени сили како специјална армија ќе биде завршено до крајот на јуни, а како специјален армиски корпус во блиска иднина, изјави денеска рускиот министер за одбрана Сергеј Шојгу.
– Во блиска иднина ќе го завршиме формирањето на резервниот армиски корпус, а пет полкови се веќе полни со над 60 отсто персонал и опрема – истакна Шојгу на средбата со рускиот претседател Владимир Путин и постојаните членови на Советот за безбедност на Русија, пренесe „ТАСС“.
Шојгу истакна дека во просек дневно во служба влегуваат 1.336 лица според договорот – што е приближно еден полк, пренесе РИА Новости.
Според Шојгу, со директен договор се регрутирани 114.000 луѓе, а има повеќе од 50.000 волонтери.
