Нуклеарната подморница УСС „Флорида“ ќе биде разместена на Блискиот Исток за поддршка на петтата флота на воено-морските сили на САД базирана во Бахреин, јавија дел од американски медиуми.
Како што изјави Тимоти Хокинс, командант на 5-та флота, подморницата е способна да носи 154 крилести ракети „томахавк“ а ќе биде распоредена „со цел обезбедување регионална безбедност и стабилност“.
Воено-морските сили на САД ретко соопштуваат за местоположбата или распоредувањето на подморниците. Хокинс не коментираше какви задачи ќе изведува подморницата или зошто е распоредена.
Оваа флота патролира низ стратешки важниот Ормуски Проток, тесно устие на Перискиот Залив преку кое се транспортира 20 отсто од вкупната снабдувачка со нафта во светот.
Според повеќе извори, САД, Велика Британија и Израел го обвинуваат Иран за напади на нафтените танкери и комерцијалните бродови, но Техеран ги демантира тие тврдења.
Морнарицата на САД исто така соопшти за серија напнати морски судири со иранските сили, кои според нив се однесувале „неразумно и агресивно“.
Згора дојде до значителен пораст на насилството во регионот за време на светиот муслимански месец Рамазан и почетокот на еврејскиот празник Пасха, во време во услови на зголемени тензии во Ерусалим, невообичаено високо ниво на насилство на окупираниот Западен Брег и поделби во израелската војска, предизвикани од контроверзниот план на израелската влада за ревизија на судството во земјата. Израелската војска неделава во воздушни напади бомбардираше локации на екстремистичката група Хамас во јужен Либан и повеќе од 10 цели во Појасот Газа, откако беа истрелани 44 ракети врз еврејската држава од палестинската енклава.
