По повод меѓународниот ден на жената 8-ми Март, традиционално галерискиот простор во Музеј-галеријата во Кавадарци се отстапува на жени уметнички.
Годинава на изложбата која ќе биде отворена вечерва во 18 часот, ќе бидат презентирани дела создадени од четири жени уметнички аматери чие творештво е добро познато на ликовната јавност во Кавадарци и пошироко.
Една од нив е Наташа Бошкова препознатлива по срмата која е нејзина голема љубов и опсесија и која досега има реализирно свои самостојни изложби и учество на повеќе групни изложби.
На Натка Матиева ова ќе и биде прво претставување пред своите сограѓани и тоа со платна работени со акрилни бои, додека делата на Драгица Чекорова и се добро познати на јавноста затоа што изминативе десетина години активно учествува на ликовни колонии и во групни изложби.
Чекорова е организатор на ликовната колонија „Неготино“ 2019 и 20129 година. Четвртата уметница е Милица Ташева која љубовта кон сликарството го негува уште како мала а е препознатлива во своите пејсажи и мотиви од природата.
М.М
