Неуспешниот обид за убиство на рускиот милијардер и извршен директор на групата „Царград“ Константин Малофеев е уште еден пример за „криминалната природа“ на режимот во Киев, кој прибегнува кон терористички методи – изјави портпаролката на руското Министерство за надворешни работи, Марија Захарова.
– Обидот за убиство на Малофеев е уште еден пример за длабоко криминалната природа на режимот во Киев, кој не ги избегнува отворените терористички методи во сузбивање на несогласувањето, додавајќи уште една ставка на долгиот список на неговите грозоморни злосторства против цивилните претставници на медиумскиот простор – истакна Захарова.
Според неа, истата шема со автомобил-бомба била користена и во август 2022 година, кога била убиена новинарката Дарја Дугина.
– Успеавме навреме во април минатата година да спречиме обид за терористички напад врз голем број истакнати руски новинари и медиумски личности, кој беше подготвен специјално по налог на украинските безбедносни агенции – нагласи Захарова.
