И во следните денови под влијание на циклонска активност од запад времето ќе се задржи променливо и ќе има повремени врнежи од дожд. Наместа врнежите ќе бидат поројни, проследени со ретки грмежи. Температурите ќе бидат без поголеми промени, информираат од Управата за хидрометеоролошки работи.
Во текот на утрешниот ден минималната температура ќе се движи во интервал од 2 до 10 степени, а максималната од 6 до 15 степени Целзиусови.
