Рускиот претседател Владимир Путин изјави денеска дека Русија го прекинува своето учество во договорот „Нов СТАРТ“ за контрола на стратешкото офанзивно оружје, пренесуваат светските агенции. Путин истакнал дека неговата земја го суспендира своето учество, а не се повлекува од договорот за ограничување на нуклеарните боеви глави.
– Го прекинуваме учеството во договорот. Повторувам, ние не се повлекуваме од тој договор, го прекинуваме учеството. Првин треба да разбереме што сакаат Франција и Британија и ќе постапиме соодветно. Нема потреба да лажат и да се преправаат дека се поддржувачи на мирот. Сите знаеме дека се истакнува важноста на некои договори и сите се поблиску до развој на ново нуклеарно оружје. И ние исто така, но нема да бидеме први. Но, ќе се однесуваме како што мислиме дека е правилно. И тоа нема врска со непријателски односи кон нас, иако тие го сакаат нашиот пораз. Тешко е да ги наречеш идиоти, не се глупави. Тие сакаат да нè поразат и да го контролираат нашето нуклеарно оружје – рече Путин.
Тој потсети дека САД и НАТО директно изјавија оти целта им е стратешки пораз на Русија.
– Потоа, посетата на руските одбранбени капацитети не е опција. На почетокот на февруари НАТО побара од нас да се вратиме на договорот за негирање стратешко оружје, вклучително и инспекции на објекти. Тоа е театар на апсурдот. Знаеме дека Западот му помогна на режимот во Киев во нападот на објектите на територијата на Руската Федерација, а во исто време сакаат да ги прегледаат нашите објекти – истакна рускиот лидер.
