Полска потпиша договор со САД за купување на 250 тенкови Абрамс во обид да ја зајакне својата армија и да одврати евентуален руски напад на нејзината источна граница.
Продажбата на тенкови Абрамс на Полска, каде што ќе биде распоредена и американската противракетна одбрана, е уште еден знак за длабоките одбранбени односи со САД.
Полскиот министер за одбрана Мариуш Блашчак изјави дека договорот е вреден приближно 4,75 милијарди долари и дека првите тенкови ќе бидат испорачани оваа година.
Во Полска ќе бидат распоредени речиси 5.000 дополнителни американски војници и дополнителни борбени авиони, како дел од одговорот на САД на кризата во Украина.
