ФУДБАЛ
Роберт Левандовски, напаѓачот на Баерн, трета календарска година по ред е најдобар стрелец во фудбалска Европа. Тој постигна 69 гола, од кои рекордни 43 во германската Бундес-лига. Тоа е израмнето второто најдобро постигнување во минатата деценија, со тоа на Кристијано Роналдо (69 гола во 2013 година). Во таа категорија, Лионел Меси е убедливо прв со 91 погодок во 2012 година. Левандовски беше прв стрелец и во 2019 година, со 54 гола, и во 2020-та со 47, објави Европската фудбалска унија (УЕФА) на својата интернет-страница. Тој е најдобар стрелец годинава и во натпреварувањата на УЕФА (клупски и репрезентативни) со 22 гола, два повеќе од Англичанецот Хари Кејн.
Најдобри стрелци во 2021 година (за клуб и за репрезентација): Левандовски (Баерн и Полска) 69, Килијан Мбапе (ПСЖ и Франција) 49, Ерлинг Холанд (Борусија Д. и Норвешка) 47, Карим Бензема (Реал Мадрид и Франција) 46, Роналдо (Јувентус/Манчестер Ј. и Португалија) 43 итн.
Најдобри стрелци годинава во натпреварувањата на УЕФА (за клуб и за репрезентација): Левандовски (Баерн и Полска) 22, Кејн (Тотенхем и Англија) 20, Мбапе (ПСЖ и Франција) 17, Роналдо (Јувентус/Манчестер јунајтед и Португалија) 17, Бензема (Реал Мадрид и Франција) 16 итн.
НАЈДОБРИ СТРЕЛЦИ ВО ЕДНА ГОДИНА
ГОД. ФУДБАЛЕР ГОЛОВИ
2021 Роберт Левандовски 69
2020 Роберт Левандовски 47
2019 Роберт Левандовски 54
2018 Лионел Меси 51
2017 Хари Кејн 56
2016 Лионел Меси 59
2015 Кристијано Роналдо 57
2014 Кристијано Роналдо 61
2013 Кристијано Роналдо 69
2012 Лионел Меси 91
2011 Кристијано Роналдо 60
