Властите на Република Кипар го сменија статусот на 13 земји во однос на епидемиолошката состојба.
Според овој документ, кој стапува на сила во четвртокот, осум држави – Австрија, Бугарија, Словенија, Норвешка, Лихтенштајн, Летонија, Северна Македонија и Канада – се пренесуваат од зелената зона, од каде на патниците не им требаат медицински документи за да пристигнат во Кипар, до портокалова зона, поради која може да дојдат на островот со негативен ПЦР тест не постар од 72 часа пред полетување на летот.
Четири земји – Литванија, Шведска, Белгија и Србија – ќе се префрлат од портокаловата категорија во црвена од 19 август, а Хрватска од портокаловата зона во зелена од четврток.
