НЛБ Банка од 20 ноември 2020 година започнува промотивна кампања за Visa Business картичките за правни лица која ќе трае до 20 декември 2020 година. Во рамки на кампањата Банката нуди промотивни поволности за сите нови и постоечки корисници на Visa Business картичките.
Сите нови клиенти кои ќе аплицираат за Visa Business картичките во промотивниот период ќе ја добијат картичката без членарина за првата година, додека сите нови и постоечки корисници кои ќе направат најмалку 15 или повеќе трансакции во промотивниот период ќе бидат ослободени од членарината за основната картичка за следната година. Дополнително за овие корисници следува и подарок – изненадување од Банката.
НЛБ Visa Business картичките се наменети за правни лица за подмирување на секојдневните службени трошоци, деловни патувања во земјата и во странство, подигнување готовина како и за сите оние правни лица кои имаат потреба од сигурен и едноставен начин на плаќање за службени потреби кои гласат на име на правното лице.
Повеќе информации за промотивната кампања клиентите може да добијат на веб страницата nlb.mk, на социјалните мрежи на Банката, на телефон 02/15 600 или во најблиската експозитура на Банката.
