Ерменија без четворица стандарни репрезентативци ќе и се спротивстави на Македонија, на натпреварот во Никозија, во Лигата на нации.
По последните тестирања, позитивни на коронавирусот биле Газ Газарјан, Андре Чалишер, Григор Меликсетјан и Саргис Адамјан.
Покрај нив, Ерменците пријавија дека е заразен еден од помошниците на селекторот Хоакин Капарош и уште тројца членови на ерменската делегација.
За дуелот со Македонија (вечерва, 18 часот), Капарош на располагање има 19 фудбалери.
