Претседателот на Србија, Александар Вучиќ, се надева дека до крајот на годината ќе има вакцина против коронавирус и дека Србија ќе биде во првите 30 земји кои ќе ја обезбедат.
– Ние сме во разговори со земја која веќе ја заврши вакцината и која веќе одредено време на популацијата ѝ ја дава таа вакцина. Се надеваме дека до крајот на годината ќе ја имаме вакцината во Србија – рекол Вучиќ, пренесе „Б92“.
Српскиот претседател додал дека државата ќе се потруди да биде меѓу првите 30 земји во светот кои ќе ја имаат вакцината.
Тој кажал дека во следните два – три дена се очекува зголемен број на заболени.
– Загрижен сум за состојбата на нашите лекрари. Немаме повеќе болници, сите се ковид-болници, имаме голем прилив на луѓе кои имаат тешка клиничка слика – рекол тој.
Вучиќ рекол дека се потребни 10 дена строга дисциплина.
– Не знам зошто бегавме од најтешките мерки, тоа никогаш нема да го разберам – рекол српскиот претседател.
