По завршувањето на премиерлигашкиот дуел на Ливерпул против Норич во петокот („Црвените“ победија со 4-1), многу навивачи ги чекаа своите љубимци пред „Енфилд“.
Млад навивач на тимот трчал и му мавтал на голгетерот Мохамед Салах, а притоа не забележал дека има бандера пред него, па удрил во неа. Фудбалерот го видел сето тоа, па застанал со автомобилот и направил фотографија со младиот Луј Фаулер и со неговиот помал брат.
– Салах, ти благодарам што се врати за да видиш дали е во ред мојот син, откако се удри во бандера обидувајќи се да добие поздрав од тебе. Тој те сака многу и болката веднаш исчезна кога го прегрна. Тој кажа дека вредеше скршениот нос. Ти си одличен човек и голем џентлмен – напиша Купер на Твитер.
@MoSalah thank you for coming back to check on my boys after Louis KO’d himself trying to get a wave! He loves you so much and the pain went away instantly when you came to give them a hug. A nose reset worth well worth it he said. You are a top man and a true gent! #EgyptianKing pic.twitter.com/wrmHc4vxB9
— Joe Cooper ? (@joecooper93) August 10, 2019
