„Чиз“ е најголемиот меѓународен настан посветен на сурово млеко, природни сирења и занаетчиски млечни производи организиран од „Слоу фуд“ и градот Бра, Италија, кој почнува на 15 септември. Мајсторите за сирење, сточарите, производителите и експертите од целиот свет се среќаваат за да ги претстават своите производи, да споделат идеи и заеднички решенија за предизвиците со кои сите се соочуваме, почнувајќи од климатската криза.
На меѓународниот пазар ќе бидат присутни изложувачи од 14 земји, меѓу кои е и Македонија. Ова вклучува реномирани имиња како што се „Џаспер Хил Фарм“ од САД, „Нилс Јард“ од Обединетото Кралство, производители и селектори од Швајцарија, Шведска и други европски земји како Белгија и Португалија. Македонија, чие присуство е финансирано од македонското министерство за земјоделство, шумарство и водостопанство на Македонија, ќе ги пречека посетителите со интересна програма на дегустации и активности. Елена Каровска Гошевска, координаторка на „Слоу фуд Македонија“, ќе учествува на конференцијата. Македонија исто така ќе биде во центарот на работилницата за вкус „Сезонско селење на стоката“ на 17 септември.
Меѓународната мрежа на „Слоу фуд“ ќе ја претставува и многубројна делегација од Норвешка и нордиските земји, Балканот, Украина, Турција и многу други земји.
