Цените на нафтата се искачија на највисоките нивоа од 2008 година во понеделникот (7 март 2022 година), откако американскиот државен секретар Ентони Блинкен рече дека Вашингтон е во „многу активни дискусии“ со европските сојузници за забраната за нафта по руската инвазија на Украина. Референтната нафта брент достигна 139,13 долари за барел, а според американскиот просек „Западен Тексас“ (ВТИ), цената достигна 130,50 долари, што го претставуваат највисокото ниво од јули 2008 година. Русија испумпува 11 милиони барели на ден сурова нафта веднаш зад Саудиска Арабија.
Глобалните ефекти од руската воена операција во Украина не се ограничени само на нафтата. Референтните цени на јагленот, исто така, достигнаа рекордни 430 долари за тон, што е скок од 89 долари во март 2021 година. Само Австралија и Индонезија извезуваат повеќе јаглен од Русија.
Русија и Украина се главни доставувачи на пченица, со тоа што сочинуваат 29 отсто од глобалниот извоз. Двете држави се исто така главни извозници на сончогледово масло, со тоа што Русија извезе 6,65 милиони тони, а Украина 3,8 милиони тони, во периодот 2021-2022 година, според Министерството за земјоделство на САД. Црноморските пристаништа на Украина сочинуваат 60 отсто од глобалниот извоз на сончогледово масло. Замената на сончогледовото масло во Украина со палмино масло од Малезија доведе до рекордни цени од 1.925 долари за тон што е за 118 отсто повеќе од истиот период минатата година.
