ФУДБАЛ
Од цврсти централни бекови, преку централни плејмејкери до ефикасни играчи во нападот, фудбалот има историја на одлични партнерства. Но кои двојки биле најплодни во историјата на англиската фудбалска Премиер-лига? „Би-би-си“ направи листа на најдобрите 10 двојки, кои заедно имале најмногу голови и асистенции меѓусебе во англиската врвна фудбалска лига од сезоната 1992/93.
На врвот на оваа листа се Хари Кејн и Сон Хеунг-мин со 47 заеднички гола за Тотенхем. Од тие 47 гола, Сон има предност со голови со 24 наспроти 23 на Кејн.
На листата потоа се Дидие Дрогба и Френк Лампард (36 комбинирани голови за Челси), Роберт Пирес и Тиери Анри (29 за Арсенал), Давид Силва и Серхио Агуеро (29 за Манчестер сити), Дарен Андертон и Теди Шерингем (27 за Тотенхем), Мохамед Салах и Роберто Фирмино (25 за Ливерпул), Роби Фаулер и Стив Мекманаман (24 за Ливерпул), Фреди Јунгберг и Тиери Анри (24 за Арсенал), Мохамед Салах и Садио Мане (22 за Ливерпул), и Алан Ширер и Нолберто Солано (22 за Њукасл).
