Македонецот Влатко Андоновски (43) веројатно ќе биде назначен за нов селектор на женската фудбалска репрезентација на САД која е актуелен светски првак, пренесува Би-би-си.
Тренерот родум од Скопје моментно го предводи американскиот фудбалски клуб Реин од Сиетл за кој игра капитенката на САД и најдобра светска фудбалерка Меган Рапино.
Андоновски во играчката кариера настапуваше за Работнички, Македонија Ѓорче Петров и Вардар, како и за неколку американски клубови во тамошната лига во фудбал во сала.
Фудбалската федерација на САД допрва треба да го потврди назначувањето на Андоновски.
![](https://www.novamakedonija.com.mk/wp-content/uploads/2019/10/vlatko-andonovski-reign-fc-uswnt-696x392.jpg)