Здрава храна
Тиквичките се хранлив и популарен зеленчук што може да се комбинира и да се јаде на различни начини. Тие се многу здрави и се препорачува нивно често консумирање почесто, а содржат есенцијални хранливи материи како што се витамините Ц, К и Б6, како и минерали како калиум, манган и фолна киселина. Редовното консумирање на овој зеленчук може да има одлично влијание врз здравјето.
Тиквичките се нискокалорични, тие се одличен избор за сите оние што сакаат да се одржат или да ослабат бидејќи не содржат многу калории. Овој зеленчук се смета за нискокалоричен благодарение на високата содржина вода и ви помага да останете хидрирани и да се чувствувате ситo со часови по оброкот.
Тие содржат голем дел влакна. Овој омилен зеленчук содржи висок процент диетални влакна што поттикнуваат редовно празнење на цревата и спречуваат запек. Влакната во тиквичките помагаат и во регулирањето на нивото на шеќер во крвта и може да помогнат да се намали ризикот од развој на срцеви заболувања.
Тие го поддржуваат здравјето на срцето. Тиквичките содржат калиум и магнезиум, кои се корисни за здравјето на срцето. Калиумот помага во регулирањето на крвниот притисок, додека магнезиумот ги поддржува нормалниот срцев ритам и мускулната функција.
Тие се добри за очите. Тиквичките се богати со витамин А и лутеин, кои се многу важни за одржување на здравјето на очите. Овој состав во тиквичките може да го намали ризикот од болести на очите поврзани со возраста, како што се катаракта и макуларна дегенерација.
Тие имаат антиоксидантни својства. Тиквичките содржат антиоксиданти, вклучувајќи витамин Ц и бета-каротин, кои помагаат во заштитата на клетките од оштетување предизвикано од слободните радикали. Редовното консумирање на овој зеленчук може да помогне да се намали развојот на одредени болести.
