Здрава храна
На социјалните мрежи се шири тренд што го популаризира консумирањето цедени сокови од овошје и зеленчук затоа што, наводно, се поздрави. Меѓутоа, експертите од клиниката „Мајо“ тврдат дека цедењето сокови не е поздраво од јадењето на целото овошје и зеленчук. Течноста содржи најмногу витамини, минерали и растителни хемикалии (фитонутриенти) што се наоѓаат во овошјето. Меѓутоа, целото овошје и зеленчук имаат и здрави влакна, кои се губат при цедењето.
Некои веруваат дека цедењето сокови е подобро отколку да изедете цело овошје и зеленчук, бидејќи вашето тело може подобро да ги апсорбира хранливите материи, а на вашиот дигестивен систем му дава пауза од варењето на влакната. Исто така се нагласува дека цедењето сокови може да го намали ризикот од рак, да го зајакне имунолошкиот систем, да ги отстрани токсините од телото, да го помогне варењето и да ви помогне да изгубите тежина.
Сепак, не постои научен доказ дека цедените сокови се поздрави од сокот што го добивате од консумирање само овошје или зеленчук. Ако не сакате да јадете овошје и зеленчук, цедењето сок може да биде начин да ги додадете во вашата исхрана или да пробате овошје и зеленчук што можеби не сакате да го јадете.
Од клиниката „Мајо“ препорачуваат да размислите за блендирање наместо цедење. Со блендирање на јадливите делови од овошјето и зеленчукот добивате напиток што содржи повеќе здрави фитонутриенти и влакна. Влакната исто така може да ви помогнат да се чувствувате сити.
Ако пробате да цедите, направете сок само онолку колку што можете да пиете одеднаш бидејќи штетните бактерии можат брзо да се развијат во свежо исцедениот сок. Ако купувате комерцијално произведен свеж сок, изберете пастеризиран производ.
