Илустрација/Фото: Маја Јаневска-Илиева

Осумнаесетгодишно момче обезбедувајќи податоци од картичката на неговиот дедо извршил стотици плаќања, потрошувајќи над 468 илјади денари, соопшти МВР.

Според полицијата, СВР Штип поднесе кривична пријава против К.М.(18) од Делчево, поради постоење основи на сомнение за сторено кривично дело „оштетување и неовластено навлегување во компјутерски систем“.

На 28 мај 2021 година, пријавениот обезбедил податоци од дебитна картичка на дедо му, по што во 468 наврати со неа плаќал за игри и вршел купувања.

На тој начин, како што информираат надлежните, го оштетил дедо му за сума од 468.832 денари.