Првиот заменик советник за национална безбедност на Белата куќа Џон Финер изразил загриженост за настаните во северно Косово во разговор со косовскиот премиер Албин Курти и српскиот претседател Александар Вучиќ, соопшти Белата куќа.
Финер разговараше со Курти во четвртокот и го повика Косово да им дозволи на новоизбраните градоначалници да извршуваат функции од алтернативни локации и да ги повлече полициските сили од општинските згради, соопшти Белата куќа. Тој ја поздрави и подготвеноста на Курти да работи на создавање услови за нови избори.
Соработник на Бајден вчера разговараше со Вучиќ и побара од Србија да ги повлече своите вооружени сили стационирани во близина на границата и да го намали нивото на будност и ги повика демонстрантите да останат смирени, се вели во соопштението на Белата куќа.
Во двата повици, Финер, како што соопшти Белата куќа, изразил загриженост за настаните на северот на Косово и апелирал ситуацијата да се смири. Вашингтон, исто така, очекува двете страни повторно да се вклучат во дијалогот со Европската унија и целосно да го спроведат договорот за нормализација постигнат претходно оваа година.
Немирите се интензивираа на северот на Косово по изборите во април, кои беа бојкотирани од етничките Срби, а кандидатите на етничките Албанци победија во четири општини со мнозинско српско население на север. Етничките Албанци сочинуваат 90 отсто од населението на Косово.
Во судирите меѓу српските демонстранти и КФОР во понеделникот беа повредени 30 припадници на КФОР и 52 Срби. Поради насилството, НАТО најави испраќање дополнителни војници на Косово.
