ФОРМУЛА 1
- Управното тело на спортот објави дека разликите во однос на најсилниот мотор „еволуирале“ во периодот од 12. до 18. трка, но не до степен што би резултирал со дополнителни надградби, пишува „Скај спорт“.
Светската автомобилска федерација (ФИА) потврди дека на производителите на мотори во Формула 1 не им се дадени понатамошни можности за надградба на моторот по третиот и последен период на преглед од сезоната 2026, пишува „Скај спорт“. Заедно со своите сосема нови мотори за сезоната 2026, Ф1 воведе дополнителни можности за развој и надградба како механизам за подобрување на моторите со помали перформанси.
Управното тело на спортот објави дека разликите до најсилниот мотор „еволуирале“ во периодот од 12. до 18. трка, но не до степен што би резултирал со дополнителни надградби, пишува „Скај спорт“.
Во соопштението на ФИА пишува: „ФИА може да потврди дека резултатите од третиот период на анализа за 2026 година (трки од 12 до 18) се доставени до сите производители на мотори. Во третиот период релативните разлики во перформансите во однос на водечкиот еволуираа, но овие промени не резултираа со дополнителни хомологации доделени на производителите на мотори. Поради доверливата природа на оваа информација, нема да бидат соопштени дополнителни детали за мерењата на индексот на перформансите на моторите“, пренесе „Скај спорт“.
Мерењата се конкретно земени од перформансите на моторот со внатрешно согорување, што е само еден елемент од моторите, пишува „Скај спорт“.
– ФИА спроведе обемна анализа како дел од прегледот годинава. Врз основа на квалитетот на податоците и робусноста на процесот на процена, уверени сме во нашите наоди и донесените заклучоци. Првата година од имплементацијата, исто така, го зајакна нашето верување дека овој концепт е вистинскиот за Формула 1. Сепак, важно е системот да продолжи да се развива за да се осигури дека останува ефикасен, релевантен и погоден за намената. За таа цел, тесно соработуваме со производителите на мотори и тимовите за да истражиме подобрувања на методологијата што ќе ја поддржат континуираната ефикасност на системот за понатамошни можности за надградба на моторот во идните сезони – рече директорот на ФИА за едноседи, Николас Томбазис, пренесе „Скај спорт“.
Н.М.
