Единицата за насилен криминал при СВР Скопје поднесе кривична пријава по итна постапка до ОЈО за гонење организиран криминал и корупција против 39-годишен полициски службеник, осомничен за кривично дело „телесна повреда“.
Според информациите од Министерството за внатрешни работи, осомничениот на 2 мај 2026 година физички ја нападнал својата 37-годишна сопруга.
Лицето е лишено од слобода и изведено пред судија на претходна постапка, кој му одредил мерка притвор во траење од осум дена.
Паралелно, Одделот за внатрешна контрола при МВР ќе покрене дисциплинска постапка против полицискиот службеник, со предлог за утврдување одговорност за кршење на работниот ред и изрекување мерки за негово отстранување од работното место.
