Дали домашните миленици се само за богати сопственици? Најновото истражување покажа дека секој седми сопственик на куче или маче западнал во „сиромаштија“ поради зголемувањето на трошоците за живот. Но намалувањето на финансиските средства во домот не би требало да го осиромаши сопственикот, бидејќи експертите нудат голем број совети што можат да им помогнат на сопствениците на животни со намален буџет.
Сопствениците се задолжуваат за да ги платат ветеринарните прегледи
Со зголемувањето на трошоците за живот и општото намалување на куповната моќ на Американците, многу сопственици на домашни миленици се соочуваат со проблем како најдобро да се грижат за своите животни. Ново истражување ја покажа сериозноста на овој проблем: според истражувањето, секој седми (15 проценти) сопственик на домашни миленици во САД е во „сиромаштија поради миленикот“, што значи дека се наоѓа во „реални финансиски тешкотии“ што го отежнуваат обезбедувањето дури и основна грижа за животното. И да биде и полошо, речиси 39 проценти од сопствениците се задолжиле за да ја платат ветеринарната нега на своите миленици, со просечна сметка од 450 долари.
Секој петти (22 проценти) сопственик моментално има долг од над 2.000 долари поврзан со миленик.
За да се приспособат на својот буџет, многу од анкетирани сопственици на миленици го менуваат својот живот, како намалување на излегувањето на вечери, напуштање на своето хоби и одлагање на плаќањето други сметки. Некои луѓе дури прифаќаат дополнителни работи за да обезбедат пари за плаќање на трошоците. Повеќето сопственици на домашни миленици ја наведуваат инфлацијата како причина за своите долгови.
Растечките трошоци влијаат речиси на сè – намирници, транспорт, кирија и уште многу нешта – додека платите стагнираат. Посебно истражување на компанијата „Ровер“ покажа дека повеќе од половината сопственици се загрижени поради влијанието на царините врз нивните редовни трошоци за домашни миленици.
Секогаш е поскапо да се лекуваат болести отколку да се превенираат
Откажувањето од ветеринарна посета не е добро решение. Секогаш е поскапо да се лекуваат болести отколку да се превенираат, а редовните прегледи се од витално значење кога станува збор за рано откривање на некоја болест. Растечките трошоци натерале некои луѓе да ги променат домовите за своите миленици, што е неверојатно тешка одлука за сопствениците. Додека 55 отсто од анкетирани сопственици избегнале вдомување друг миленик поради финансиски проблеми, повеќе од 90 отсто рекле дека сепак би избрале да го вдомат нивниот сегашен миленик, дури и ако имаат финансиски проблеми.
Заклучокот е: домашните миленици можат да бидат скапи, но радоста и љубовта што ни ги даваат вредат. Ако се трудите да „собирате“ пари за вашиот миленик и за себе, добрата вест е дека постојат опции што може да ви помогнат – само треба да знаете каде да барате. Здравственото осигурување за домашни миленици може да биде корисно и исплатливо, особено во итни ситуации. Исто така, постојат многу опции за наоѓање бесплатна храна за домашни миленици или со пониска цена.
