Британците откриле дека нивна најголема грижа кога одат на одмор е дали можат да ги земат и домашните миленици. Новото истражување покажало дека одредени сопственици ги откажуваат плановите поради чувство на вина или неможност да пронајдат хотел пријателски настроен кон милениците, затоа што не сакаат да одат на одмор без своите кучиња.
Така, 76 проценти од сопствениците сакаат да ги земат своите крзнени пријатели на одмор, но не е лесно да се најде сместување погодно за домашни миленици: повеќе од половина (53 проценти) од сопствениците признаваат дека им е тешко да пронајдат сместување погодно за домашни миленици. Сопствениците тврдат дека чувствуваат вина кога ги оставаат своите кучиња дома, а 55 проценти ги менуваат своите планови или се откажуваат од нив.
Според истражувањето, посета на плажа или дозвола за кучиња да пливаат во море се смета за дел од планот за патување од соништата за 51 процент од испитаниците. Планинарење, посета на село или прошетка низ шума ги интересира 43 проценти од сопствениците, а патувањето со автомобил погодно за кучиња е рангирано со 41 процент. Престој во удобна колиба или викенд-куќа одбираат 34 проценти, а не се заборава многу важната игра со други кучиња со 28 проценти. За да им помогне на оние што сакаат да патуваат со своето куче, брендот на храна за миленици „Цезар“ се здружи со компанијата „Трип адвајзор“ и активира водич за патувања со кучиња. Тој вклучува сместување што дозволува миленици и искуства во кои луѓето и нивните четириножни пријатели можат заедно да уживаат.
Стивен Џадсон, повисок главен партнер за клиенти во „Трип адвајзор“, рече дека компанијата одамна претставува првично место за милиони патници што бараат сигурни препораки и додава дека им помага на голем број луѓе да се чувствуваат безбедно кога патуваат со своите кучиња. Од пронаоѓање совршена куќичка за кучиња до откривање кафулиња на плажа каде што вашето куче ќе добие мала награда, тие сакаат да помогнат одморите да бидат подобри и за кучињата и за луѓето. Покрај сместувањето, сопствениците се соочуваат со голем број предизвици кога патуваат со својот миленик, вклучувајќи проблеми со транспортот (35 проценти) и стрес или анксиозност на кучињата (30 проценти). Дури и фазата на пакување е предизвик, бидејќи 60 проценти од сопствениците заборавиле нешто важно за своето куче, како ќесиња за измет (42 проценти), чинии за храна или вода (29 проценти), доволно оброци (26 проценти) или омилената играчка на нивното куче (25 проценти).
