Во денешното темпо, повремениот замор е очекуван, но кога исцрпеноста трае со недели и го менува секојдневието, зборуваме за хроничен замор со јасни последици по здравјето и благосостојбата. Немојте да го игнорирате проблемот и да го решавате со енергетски пијалаци, кафе или чоколадо. Таквиот проблем е нешто на кое треба да обрнете внимание.
Доколку се прашувате зошто секогаш сте исцрпени, тоа може да биде знак за недијагностициран здравствен проблем. Од суптилни недостатоци на хранливи материи до темелни здравствени состојби, постојат многу скриени фактори што може тивко да ја црпат вашата енергија – и тие се почести отколку што мислите.
– Колинот е еден од оние помалку познати нутриенти што не добиваат заслужено внимание, но игра голема улога во здравјето на мозокот, регулацијата на расположението, нивото на енергија, па дури и во тоа колку добро функционира црниот дроб – објаснува нутриционистот Роб Хобсон.
Иако нашето тело може да произведе мали количества, тоа не е ни приближно доволно за да ги задоволи нашите потреби, па затоа треба да се потпираме на она што го јадеме. Јајцата и месото се богати извори, па поради тоа веганите и вегетаријанците се посклони кон недостиг од витамини. Меѓутоа, оние што јадат растителна храна може да ги добијат витамините од брокула, грав, кикиритки, па дури и печурки, иако нивото е многу пониско и е потребно да се внесе повеќе ваква храна. Значи, ако се чувствувате уморно или ви недостига енергија, можеби е време да го преиспитате вашето внесување. Дехидрацијата исто така е поврзана со намалена будност и зголемена сонливост и замор.
