По неколку недели, кога Скопје беше преплавено со отпад, градоначалникот на Чаир, Изет Меџити, заедно со премиерот Христијан Мицкоски и градоначалникот на Скопје, Орце Ѓорѓиевски, вчера вечерта излегоа на терен.
„Вечерва стартуваше и акцијата за расчистување на депонијата „Вардариште“. Ова е само првиот чекор кон нашата цел. Наскоро започнува и процесот на одгасување на метанот. Досегашното место на срамот, ќе стане гордост – нова зелена оаза за сите скопјани, објави на својот Фејсбук-профил градоначалникот на Скопје, Орце Ѓорѓиевски.
