Американската амбасада денеска објави безбедносно предупредување во врска со инцидентот пред српскиот Парламент, советувајќи ги сите американски граѓани да го избегнуваат тој дел од градот.
Како што Амбасадата објави на мрежата X имало пукање во кое непознат број луѓе биле повредени, по што избувнал пожар во Пионирски парк прд улицата од Парламентот во центарот на Белград.
– Во овој момент, инцидентот се чини дека е локализиран и нема познати закани за американските граѓани. Амбасадата им советува на сите американски граѓани да ја избегнуваат областа – се вели во објавата.
Неколку шатори, поставени од поддржувачи на владејачката партија на платото пред српскиот парламент во центарот на Белград, изгореа денеска во пожар што избувна околу 10 часот наутро, а кој подоцна беше локализиран. На пожарот му претходел инцидент во кој еден маж бил ранет, а друг бил уапсен за нападот.
