Полска е искусна ракометна репрезентација што настапила на 19 светски првенства, но нема освоено медал, а најдобрите пласмани ѝ се двете четврти места на мундијалите во Србија во 2013 година и во Данска во 2015 година. На претходното Светско првенство, пред две години во Данска, Норвешка и во Шведска, Полска го освои 16-то место, а на континенталното првенство годинава го освои деветтото место
РАКОМЕТ – БАРАЖ-ДУЕЛИ ЗА СП 2025
Македонската женска сениорска ракометна репрезентација ќе игра со селекцијата на Полска за пласман на Светското првенство (СП) во 2025 година во Франција, Германија и во Холандија. Македонија го освои 18-то место на Европското првенство што заврши синоќа, па беше сместена во вториот барабан, а од првиот немаше лесен ривал. Во ждрепката учествуваа 22 репрезентации сместени во два барабана.
Полска е искусна ракометна репрезентација што настапила на 19 светски првенства, но нема освоено медал, а најдобрите пласмани ѝ се двете четврти места на мундијалите во Србија во 2013 година и во Данска во 2015 година. На претходното Светско првенство, пред две години во Данска, Норвешка и во Шведска, Полска го освои 16-то место, а на континенталното првенство годинава го освои деветтото место.
Првите бараж-мечеви ќе се одиграат на 9 или на 10 април в година, а реваншите на 12 или на 13 април. Селекциите на Норвешка, Данска и на Унгарија веќе обезбедија директно учество на СП 2025 преку пласманот на ЕП 2024, заедно со Франција, Германија и Холандија, кои се домаќини на турнирот.
Македонија пред ждрепката беше во барабанот два, а можни ривали беа Шведска, Црна Гора, Полска, Словенија, Романија, Швајцарија, Шпанија, Австрија, Чешка, Исланд и Фарски Острови. Во барабанот два беа Македонија, Хрватска, Турција, Србија, Португалија, Украина, Словачка, Израел, Италија, Косово, Литванија. Г.И.
БАРАЖ ЗА СП 2025
Швајцарија – Словачка
Италија – Романија
Полска – Македонија
Шведска – Косово
Словенија – Србија
Португалија – Црна Гора
Фарски Острови
– Литванија
Чешка – Украина
Хрватска – Шпанија
Австрија – Турција
Исланд – Израел
мечевите ќе се одиграат на 9 или на 10 април в година, а реваншите на 12 или на 13 април
