Врховниот суд на американската сојузна држава Мичиген одби да ја разгледа петицијата на гласачите со кои се бара дисквалификување на Доналд Трамп од претседателските избори следната година заради неговата улога во нападот на Капитол на 6 јануари 2021 година.
Пресудата му дозволува на Трамп да остане на гласачкото ливче во оваа држава.
Гласачите се обидоа да го дисквалификуваат Трамп според одредбата во американскиот Устав со која им се забранува на луѓето кои учествувале во „востание или бунт“ да држат функција доколку претходно се дале заклетва пред САД.
Врховниот суд на државата Колорадо, минатата недела, ја дисквалификуваше кандидатурата на Трамп во оваа сојузна држава, повикувајќи се на споменатата уставна одредба.
Противниците на Трамп одлуката ја окарактеризираа како историска и укажаа дека ова може да спречи тој да учествува на изборите, и да победи, за што води кампања повеќе од една година.
Од изборниот штаб на поранешниот претседател одлуката ја нарекоа недемократска и веднаш ја дадоа на апелација на Врховниот суд на САД.
Трамп денеска ја поздрави одлуката на Врховниот суд на Мичиген, кој го отфрли обидот да се дисквалификува од претседателските избори во таа сојузна држава, додавајќи дека мора да се спречи изборите во 2024 година да бидат „наместени и украдени“.
– Врховниот суд на Мичиген силно и со право го отфрли обидот на очајните демократи да го отстранат фаворитот за претседателски кандидат во 2024 година од гласачкото ливче во Мичиген – напиша Трамп на својата социјална мрежа.
Тој додаде дека „овој патетичен обид за местење на изборите пропадна низ целата земја, вклучително и во државите кои се ориентирани кон историски демократи“.
-Треба да спречиме изборите во 2024 да бидат наместени и украдени како изборите во 2020 година. Погледнете го целосниот хаос што го имаме како резултат на корумпираниот Џо Бајден на власт насилно уништувајќи се на повидок, од нашата некогаш голема економија до нашиот некогаш чесен правосуден систем – изјави Трамп.
Тој нагласи дека Американците мора да ја спасат својата земја од „падот и радикалната левица“.
Како Трамп може да се кандидира за американски претседател и покрај правните проблеми
